5Wee kĩrɑ mɑn bɑrɔ kuɑ. A mɑn dɑm kɛ̃ kɑ kirɑ duronu, kɑ pɔmiɛn mɑrum.
6Nɑ kĩ nɑ n nɛn wiru sɔndi win nɔm dwɑrɔ, kpɑ win nɔm geu gu mɑn bɔkɑsi.
7bɛɛ Yerusɑlɛmun wɔndiɑbɑ, nɑ bɛɛ sɔ̃ɔmɔ kɑ yɛɛ kpiki kɑ nɛnnun yĩsinu, i ku nɛn kĩnɑsi yɑmiɑ sɑɑ ye u ǹ kĩ u se.
8nɑ nɛn kĩnɑsin nɔɔ nɔɔmɔ. Wɔɔ u guunu sɑrikirɑmɔ u wee.
9U sɑ̃ɑwɑ nge yɑɑ kpiku ǹ kun mɛ nge gini kpɛmɑ. Wi wee dirun biruɔ, u mɑn mɛɛrimɑ fɛnɛntin di.
10Mɑ u kɑ mɑn gɑri kuɑ u nɛɛ, ɑ seewo nɛn kĩnɑsi, kurɔ burɔ, ɑ nɑ.
11Wee purɑn sɑɑ yɑ doonɑ, mɑ gurɑ yɑ yɔ̃rɑ.
12Biibii yɑ kpiɑ yɑm kpuro. Sɑ gunɔ bwese bwesekɑn swĩi nɔɔmɔ. Kpɑrukonun swĩi yi nɔɔrɑ bɛsɛn tem sɔɔ.
13Dɑ̃ɑ te bɑ mɔ̀ figie tɑ mɑrum torumɔ, mɑ resɛm tɔ̃kɑn wɛ̃sun nuburɑ pusɑ. A seewo, ɑ nɑ nɛn kĩnɑsi, kurɔ burɔ,
Womu Duro 2
Womu Duro 2:5-13