Waiwia 1:4-26

⁴A ni a kotikot re ’rail, a kotin kakaliki on irail, ren der kowei jan Ierujalem, a ren auiaui, inau en Jam lao pwaidar, me komail rona jan ia er.

⁵Pwe Ioanej wia paptaij ki pil, a komail pan paptaij kila Nen jaraui ni eu ran me koren.

⁶Irail lao pokon penaer, rap kalelapok re a potoan on: Main, anjau wet re pan kotin kapure don Ijrael wei o?

⁷A kotin majani on irail: Menda re omail, en aja anjau de auer, me Jam okila nan pein a manaman?

⁸A komail pan ale manaman en Nen jaraui, me pan di po omail; komail ap pan ai jaunkadede kan nan Ierujalem, o Iudäa pon o Jamaria, o lel won irepan jappa.

⁹A lao majanier mepukat, ap peukedalar ni ar kankakil, pali en dapok pali idandalar i jan mon maj arail.

¹⁰Ni ar kilekilan nanlan, ni anjaun a kotidala, kilan, ol riamen mi nan likau pwetepwet, kotikot re ’rail.

¹¹Me pil majani: Ol en Kaliläa komail, da me komail jarakidan nanlan? Iei Iejuj, me peukedala nanlan jan komail, a pan kotin puredo, duen komail udialer a kotidalar.

¹²Irail ap purelan Ierujalem jan dol o, me ad a Oliwe, me koren ion Ierujalem; a doo jan al en japat pot.

¹³Irail lao kotilon on, ap kotidan nan pera poa, waja re kin kotikoteta, irail karoj: Petruj, o Ioanej, o Iakopuj, o Andreaj, o Pilipuj, o Tomaj, o Partolomäuj, o Matäuj, o Iakopuj nain Alpäuj, o Jimon Jelotej, o Iudaj ri en Iakopuj.

¹⁴Mepukat karoj wiaki eu podidi on kapakap, li akai pil ian irail, o pil Maria in en Iejuj o ri a ol akan.

¹⁵Ni ran oko Petruj ap uda nan pun en jaulan kan majani (irail me impan epukiriek):

¹⁶Ri ai kan, kijin likau en punala, me Nen jaraui kalokaia ki Dawid maj o iran Iudaj, me karedo, me jaikidi Iejuj oko.

¹⁷Pwe a pil wadawad on kitail, er o aleer pwaij a dodok wet.

¹⁸Nan ol men et pwaine kidar pwain en a japun jap eu, a ni a dikaudi, ap lop pajan o kananan kaped a ap poie jan.

¹⁹Toun Ierujalem karoj ajada met. Ari, jap o adanekila akeldama ni pein arail lokaia; iet wewe: Jap en nta.

²⁰Pwe a intinidier nan puk en pjalm: Im a en lijelipinala o jolar, me pan kaujon lole, a amen me pan ale a koa.

²¹Ari, amen jan ren ol akan, me poden ian kitail er, ni anjau me Kaun Iejuj kotikot re atail,

²²Jan ni muein paptaij en Ioanej kokodo lel ni ran o, me a kotin peukada jan kitail er, pan ian kitail wiala jaunkadede en a kotin iajada.

²³Irail ari kileledi riamen: Iojep iei Parjapaj, me pil ad a Iojtoj o Matiaj.

²⁴Irail ap kapakap majani: Main, ir me kotin mani monion en amen amen, re kotin kajanjaleda, ij me re kotin pilada ren me riamen et,

²⁵Pwe i en ale pwaij a dodok wet o koa en wanporon, me Iudaj pupe jan, pwen kolan deu a.

²⁶Irail ap kadoropwada. A doropwa ko on Matiaj; i ari ian wadawad on wanporon ekamen oko.