Wâŋgiŋa Paneâŋa kâ 122:3-8

³Mao nâ, kinzi siveta Jerusalem ipâŋga lawea kaika ku ara ndo.

⁴Yova Kindeni ne tamâta rârâni uru silâ pa lawea ŋine ŋana siporo kawanzi ndaŋge ilâ pa i, ikura muŋga itu tukuŋa panzi Isrel ŋgu tu ma siveta mine.

⁵Ikura mbwera mbwera, Isrel ne koipu ŋalae uru imo lawea ŋine, aku isaŋona ŋgua nia ŋana itu tamâta nenzi ŋgua sondo kâ.

⁶Miki naneŋgu ŋgu, ara ŋana miki ma kano pa Yova Kindeni tu ma ivetanzi tamâta simo lawea ŋine tu simo ara nâ. Miki ma kakai noŋa mine, “Kinzi tamâta ea tininzi mwasa pa Jerusalem lawea, ande naŋa iloŋgu tu kinzi ŋinde ma simo ara nâ.

⁷Ŋana tu naŋa iloŋgu tu kinzi tamâta ma sisaŋona sondo ndo lâ Jerusalem lawea ne ŋgumbi ilo, ŋana kazâŋa toŋge ma ikura tu isânda kulunzi tia. Aku naŋa iloŋgu tu koipu ŋalae tavanzi tamâta mbâna-mbâna rârâni kala ma sisaŋona sondo mine nâ.”

⁸Aku naŋa iloŋgu ŋananzi niŋgu-nambwe wukale wa neŋgu mete kinzi simo Jerusalem lawea tona. Mine nde naŋa ma aporo panzi tamâta ŋinde simo Jerusalem lawea mine tu, “Naŋa iloŋgu tu miki ma kamo ilomi kalomi taitu nâ.”