SAM 122:3-8

³Sike Jerusalem yot gapmane yot gwegwenu wesim wesim mitapbing.

⁴Isreldane dongu Buyambam tapae gaak ininangge une kokaing. Tupa gata unzing tasiningge gwa yaniwi kekekakut.

⁵Sike you wam yaya wagwekatangu kingu Devitdane dongune nanata undang yuke wamu natake papan nomatakaing.

⁶Ginu tumuk wam yake Jerusalem nanata kwikwiknga yutningge yanong. Ginda anzing yanong, “Aminbamu Jerusalemde take siknga nataaingu take yutning,” ngang yanong.

⁷Yake aminu damanda takumbasiwan Jerusalem patang banakan yutningu amaknga wena take yutningge tumuk wam yanong. Ngan, king kapaat gatu tupan aminu une nana ngangu take yutning.

⁸Na notnaat gatu akgatangamukaing katde natake nata Jerusalemde anzing yawit, “Ga amaknga wena take yuyo,” ngang yawit.