Uyuhana 6:47-57

⁴⁷Mabuka shi makuri mabuka shi, desa ma nyara kadura mazinnu venke udandang.

⁴⁸Mimani immare uninza uvenke.

⁴⁹Vat aka co ashi me wari umanna anijaa wanno wa wee.

⁵⁰Immare inno izinno tuzo azezsere kode vi marii kati kadevi ma wee.

⁵¹Mimane uzatu umara sa in zin nu tuzo azezsere desa mare immare me madi wii ba immare me sa manya inama inipum nom nini barki unee ukem uvenke.

⁵²A Yahudawa wa hiran initize acece aure me agi aneni unu ugene me madi nyam duru inama inipum nameme har tirii?”

⁵³Ine Yeso magun we ine ni mabuka shi, inki daki yare inama inepum ni vana unububa, ikuri isii maye mameme, izo shi unu venke ahira a shi me.

⁵⁴Vat andesa wariza inama inipum num, wasii maye mam, maraa anyimo uvenke uzatu umarsa, mi indi hirzame rono umara unee.

⁵⁵Barki inama inipum immare ige be sa ahira ini, maye mam immare be sa ahirani ini.

⁵⁶Vat andesa wariza inama inipum num, amasii maye mam maciki anyimo am, mima ayimo ameme.

⁵⁷Gusi acco me sa ma ciki anyimo uvenke sa matumum, in raa anyimo ati cukum ta cco me tini, ani mani ahira unu ge be sa imani immare imeme madi venke barki mi.