Uyuhana 6:31-45

³¹acokoro aka cokoro aru ware inama anijaa, sa anyetike unuguna, ma nyawe immare usuro azesere warii.”

³²Ine ini yeso magun we, inzinnu buka ushi, izome musa mani manya shi immare me sa asuso ini azesere me ba, acco am mani manyin shi immare me.

³³Ya ira immare igomo Asere ine ini i suso azesere, unu nya unee uvenke.

³⁴Wanno wagumme ugomo Asere uyan duru immare igino-koya uwui.

³⁵Yeso magum we, mimani immare nyinza uvenke me, desa ma aye ahire am, madi kunna ikomo ba desa manya kadura madi kunna niwe ni gmei ba.

³⁶Ma mabuka shi ya ira vat ani ma daki yanya kadura me ba.

³⁷Vat desa acco me manyan, madi eh ahira am, desa ma aye ahira am mi inda gido me ba.

³⁸Barki matino azezsere azo gunna intarsi iriba ini cce num neneba, sai intarsi ireba idesa matumam.

³⁹Iriba idesa matumam, ine ini in hem nan kodevi anyimo aninonzo nan desa manyam, indi hirza we rono aye umeme.

⁴⁰Iriba yaco am, vat desa mahira vaname, manya kadura nanmi, madi kem uvenke udadankino, mi indi hirzame rono aye ugomo asere.

⁴¹A Yahudawa wa meki ugbejere agi Yeso maguna memani immare iginome saya suro azezsere.

⁴²Wanno wagu, “Ingusa Yeso mani, vana u Yusufu, desa ainome nan ka come. Ingusa tirusa we? Nyanini yawuna me maguna, masuro azizsere ani?”

⁴³Yeso makabirka magun we, “Kati ihummoro acce ashimi ba.

⁴⁴Unu rusa uhana ahira am mara niba, aco memani cas desa matumum, memani ma hungu kom madi hirza anaboo rono umara unee.

⁴⁵Anyentike anyimo atize ta sere, nanu bezi tize ta asere vat uwe asere ani adi beziwe, vat desa makaba mamanza ahira acome madi eh ahira am.