Uluka 24:3-18

³Waribe anyimo me, daki wakem ni pum ni gomo Asere Yeso ba.

⁴Ya kem anime, wawu huū abanga agino me, Sarki urusa ana ware wa tonno aje awe in turnga ti walwal.

⁵Awe me wa tungurko ace adizii barki biyau, wagun na neme, “Nyaani yawuna izin unu vengize anyimo amu kizi?”

⁶Ma zoni, mahira! Ringini mabuki shi daa ti ame U Galili,

⁷Agi adi nya vana unu atarita na madini wagan kirka me, u wui utaru, madi hiri”.

⁸Ba ane me waringin inna guran me,

⁹Wakuri u suro icaume ba wabu anu kirau innu inde me vatti imummu igino nan nu kansu me.

¹⁰An Maryamu Magadaliya, nan Juwa na, nan Maryamu ano Yakubu nan nu kasa aneme sa wazi ni gome wabuki imumbe sa awuza.

¹¹A naka dura daā ula zikka tize me anyo imumba daki wahem inna nemeba.

¹²Vatti anime Bitrus mahiri, masumi uhana icaume, matunguno innu hira anyimo me, Bama u malti cas. Bitrus madusa uhana akura ame, mazin gamara utize.

¹³Rome akem aware anyimo we wahaka uhana a aragaro in zame immawus, sa upiit u ani mel u inde usuro u Urshalima.

¹⁴Wa zin nu gamara ace ce awe me usuwo imum be saya kem.

¹⁵Ba icuku no innuguna, sawa zin nu gamara me nan nu igizome. Ba Yeso in nicee nume ma ē ma mu in tanu nan we.

¹⁶Aje awe medakat inka avee ni Yeso ba.

¹⁷Yeso magun we, “Iboo nyari ugani ya sa ihaka?” Wat onno ahira me inti puru tibit.

¹⁸Uye anyimo awe, unaniza kiliyobas, makabirka me, “Humani unume cas sama raa Urshalima mesa tame imumbe sa yakem abirkome atiye tiginome ba?”