Tingtoeng 77:5-20

⁵Khosuen hlamat kum kah khohnin te ka poek.

⁶Khoyin ah ka rhotoeng ka ngaidam. Ka thinko ah lolmang ka taeng tih ka mueihla a sat.

⁷Ka Boeipa loh kumhal duelam nim n'hlahpham vetih koekthoek kan doe bal eh ti voel pawt nim?

⁸A sitlonah loh a yoeyah la a toeng vetih a olkhueh loh cadilcahma phoeikah cadilcahma ham bawtpat pawn a ya?

⁹Pathen loh sitlohthamlam ham a hnilh tih a haidamnah te thintoek loh a uep bal nim? Selah

¹⁰Ka nue coeng ka ti vaengah he Khohni kah bantang kut loh n'talh.

¹¹BOEIPA kah khoboe tah ka ngaidam rhoe ka ngaidam pai tih hlamat lamkah na khobaerhambae khaw ka ngaidam.

¹²Te dongah na bisai boeih te ka thuep vetih na bibi boeih te lolmang ka taeng puei ni.

¹³Pathen namah kah longpuei cim ah mebang pathen lae Pathen bangla aka tanglue bal?

¹⁴Khobaerhambae aka saii Pathen namah loh pilnam rhoek taengah na sarhi khaw na tueng sak.

¹⁵Na pilnam Jakob neh Joseph koca te bantha neh na tlan. Selah

¹⁶Tui rhoek loh Pathen namah m'hmuh uh. Tui rhoek loh namah m'hmuh uh vaengah kilkul uh tih a laedil pataeng tlai.

¹⁷Khomai loh tui han hawk. Khomong khaw a ol hum. Na thaltang rhoek khaw thui.

¹⁸Humhae khui lamkah na khohum ol ah rhaek la phaa tih lunglai khaw tlai coeng, diklai khaw hinghuen coeng.

¹⁹Tuitunli dongkah na longpuei neh tui puei dongah khaw na lamkat patoeng, lamkat patoeng om dae na kholaeh ming uh pawh.

²⁰Na pilnam te Moses kut, Aaron kut neh tuping bangla mawt.