Tingtoeng 74:8-22

⁸A lungbuei nen tah, “Rhenten m'phae coeng,” a ti uh tih, diklai ah Pathen kah tingtunnah boeih te a hoeh uh.

⁹Mamih kah miknoek khaw m'hmu uh pawh. Tonghma om voelpawt tih mamih khuiah aka ming thai he mevaeng hil nim a om pawt ve?

¹⁰Pathen loh me hil nim rhal loh a veet vetih thunkha loh na ming he a yoeyah la a tlaitlaek venim?

¹¹Balae tih na kut na yueh. Na rhang kah na oltlueh khui lamloh na bantang kut neh khap kanoek saw.

¹²Tedae Pathen he hlamat lamkah diklai tollung ah khangnah aka saii ka manghai pai ni.

¹³Namah loh tuitunli te na sarhi neh na kak sak tih tui tuihnam rhoek kah a lu te na phop pah.

¹⁴Nang loh Leviathan kah a lu te na neet tih kohong ham neh pilnam ham caak la na paek.

¹⁵Namah loh tuisih soklong khaw na hep tih tuiva puei khaw na haang sak.

¹⁶Khothaih khaw namah kah, khoyin khaw namah kah, vangnah neh khomik khaw namah loh na soep na boe.

¹⁷Namah loh diklai kah rhilung boeih na suem tih khohal neh sikca khaw namah loh na hlinsai.

¹⁸BOEIPA aka veet thunkha neh na ming yah aka bai pilnam ang he poek lah.

¹⁹Na vahu kah a hinglu te satlung taengla na pae pawt tih na mangdaeng rhoek kah a hingnah khaw a yoeyah la na hnilh moenih.

²⁰Kuthlahnah rhamtlim te diklai khohmuep khuiah a baetawt dongah paipi te paelki laeh.

²¹Mangdaeng hmaithae khaw hlanghnaep pahnap la mael boel saeh lamtah na ming te khodaeng rhoek thangthen uh saeh.

²²Pathen aw thoo laeh. Namah kah tuituknah khaw oelh van laeh. Hlang ang loh hnin takuem nang n'kokhahnah ke thoelh laeh.