Thuchihbu 4:9-24

⁹Chihna hi nalu-changa delkop phatah’a pang ding, Lal-lukhuh hoitah khuh tobang nahi ding ahi.”

¹⁰Ka chapa kasei ngaijin lang kathua nung in, chutileh na hinkho kijop sau thei ding ahi.

¹¹Keiman chihna lampi kahilsoh kei ding, chule chondihna lampi chengsea jong kapui nahi.

¹²Nakal son-le teng jonglehnakipal lou ding, nalhai-le tengjongleh nakipal lhuh lou ding ahi.

¹³Ka thuhilna ho kisan in tuhchahjing in, hichu chingtup in, na-dingahinna ahi.

¹⁴Milungthim phalou thilbol’akon in kidalsen, thilphalou bol holam lhahna’a jong vah-le hih in.

¹⁵Hitobang chu gel jong gel hihhel in, kihei mang in; vah-lut louvinjotpai jing in.

¹⁶Ajeh chu miphalou ho chu, thilse bol masa louvin ajan choldojipouvin ahi.

¹⁷Amahon phatlouna ga-a bouane-jiuvin, pumtho chang’a anatohuchu judon banga adon jiu ahi.

¹⁸Mi chonpha ho lam lhahna vangchu jing ninou bang in asoh jin, sunlai nisa asat bang in, avah chehcheh jin ahi.

¹⁹Amavang miphalou ho lam lhahchu muthim lah bang bep ahin, hoilaija kipal diu ham tijong akihetphahji pouvin ahi.

²⁰Ka chapa, kathuhil ho ngaiphan, kasei thucheng ho lunglut tah’in ngaijin.

²¹Hichengse hi namit mun mansahhih hel in, nalungthim sungachensah jing tan.

²²Ajeh chu hiche kimu chan chunhinna’a anei ding, atahsa pumpijeng jong adamsah ding ahi.

²³Khodah in limgeh chan um in, ajeh chu hinna gui hung konna asohjin ahi.

²⁴Thudihlou nasei ho pai lhan, thuchavei nasei jouse jong dalha tan.