9 Chihna hi nalu-changa delkop phatah’a pang ding, Lal-lukhuh hoitah khuh tobang nahi ding ahi.”
10 Ka chapa kasei ngaijin lang kathua nung in, chutileh na hinkho kijop sau thei ding ahi.
11 Keiman chihna lampi kahilsoh kei ding, chule chondihna lampi chengsea jong kapui nahi.
12 Nakal son-le teng jonglehnakipal lou ding, nalhai-le tengjongleh nakipal lhuh lou ding ahi.
13 Ka thuhilna ho kisan in tuhchahjing in, hichu chingtup in, na-dingahinna ahi.
14 Milungthim phalou thilbol’akon in kidalsen, thilphalou bol holam lhahna’a jong vah-le hih in.
15 Hitobang chu gel jong gel hihhel in, kihei mang in; vah-lut louvinjotpai jing in.
16 Ajeh chu miphalou ho chu, thilse bol masa louvin ajan choldojipouvin ahi.
17 Amahon phatlouna ga-a bouane-jiuvin, pumtho chang’a anatohuchu judon banga adon jiu ahi.
18 Mi chonpha ho lam lhahna vangchu jing ninou bang in asoh jin, sunlai nisa asat bang in, avah chehcheh jin ahi.
19 Amavang miphalou ho lam lhahchu muthim lah bang bep ahin, hoilaija kipal diu ham tijong akihetphahji pouvin ahi.
20 Ka chapa, kathuhil ho ngaiphan, kasei thucheng ho lunglut tah’in ngaijin.
21 Hichengse hi namit mun mansahhih hel in, nalungthim sungachensah jing tan.
22 Ajeh chu hiche kimu chan chunhinna’a anei ding, atahsa pumpijeng jong adamsah ding ahi.
23 Khodah in limgeh chan um in, ajeh chu hinna gui hung konna asohjin ahi.
24 Thudihlou nasei ho pai lhan, thuchavei nasei jouse jong dalha tan.
