Thuchihbu 24:13-26

¹³Kachapa, khoiju hi don in atuilheh jeng e, khoi-phanga apat hungpot khoiju hi nele chun alhum’a lhum ahi.

¹⁴Chihna kiti hi nalhagao dingahiche tobang chu ahi. Chule chihnahi namu jouva ahileh khonungdinga phachom tah ahi.

¹⁵Miphalou bang in midihpa chua-in pang dunga ga chang lhih hihin, midihpa in jong chomding gohih hel in.

¹⁶Ijeh-inem itileh midih kiti hivel sagi jen lhu jongleh, athoudohthei jin, hinlah miphalou ho chungahamsetna ahung lhun teng akhupathal in aleh jitai.

¹⁷Namelma akipal lhuh tengkipanan neihih hel in, aman kipallhuhna ato khah jongleh kipathanopna’a nanei lou ding ahi.

¹⁸Ajeh chu Pakaiyin hin mudohleh, lunghanna’a anei loding ahi. Hijeh chun ama kon chun Pakailunghanna peldoh in.

¹⁹Thilse bol ho jeh in nang le nangkisih hih in, chule achon chan-ujong thangsetpi dan.

²⁰Ajeh chu miphalou ding inkhonung thua kinepna abeijin, chule migilou ho thaomei kimut mitpeh tei ding ahi.

²¹Kachapa, Pakai le lengpa gingin lang, Anitah lhon-a athua nanun ding ahi.

²²Ajeh chu Amania kon hetmanlouva hamsetna hung lhung ding, Pakai le lengpa’a kon hung lhungdingmanthahnachukoimanahethei him him poi.

²³Hicheho jouse jong hi michingho thusei ahisoh keijin: Thutan-alangneina nei kiti jong hi thildihahipoi.

²⁴Migiloupa kom’a, “Nangmanthemmona nanei poi,” tia sei chu, mitin vaipi gaosap chang ding, namtin in athet ding ahi.

²⁵Miphalou phohsal pa chu kipahthanom’a um ding, chule hitobangmi chunga chu phattheina lhungding ahi.

²⁶Thu kitohdel-a donbutna chukigolngai kibeng chop avetsah ahi.