Thuchihbu 1:4-14

⁴Hiche thuchih hohi, milhamho dinga lunglim-geh’a hinna, chule khangdong hon hetna le thildetkhen themna anei diu ahi.

⁵Thuchih hoa kon hi, michingjeng jong khodah’a thepna alambeding; hetkhenna nei mihem in jongkihilchahna alambe ding ahi.

⁶Hiche thuchih kiseiho le thilumdanhetthemnaaneiding, miching hon thu asei teng, thulemaseidoh jouseu hettheina tha aneiding ahi.

⁷Pakai ginna hi chihna dinga abulpiahin, mingol hon vang chihna lehilchah nan asang thei poi.

⁸Kachapa, napan nasuh dihnangaijin lang, nanun nahilna jongdonlouvin koi hih in,

⁹Ijeh inem itileh, amanin nahilnajouseakonkhotonalallukhuhnakikhuh ding, chule jana jongkhivui banga na ngong changanaki’o ding ahi.

¹⁰Kachapa michonseten jol lhah ding nagot uva ahileh, athu’unangai lou hel ding ahi.

¹¹Amahon na henga ahin seidiu, “Hung’in guhthim chan mihemtha ding ngah-ute; suhkhel neilouhijongleh inop chabep uva iboldiuvin ngah lhih tau hite.

¹²Ahing changa lhankhuh in avallhum’a abah gam bang in, eihonjong ahing in bahgam-u hitin, thinakokhuh’a lhalutsa bang in, apumchang in val lhum gam tau hite.

¹³Thil thupi tahtah imu diungaiton, thil lelo ichomdoh houchu in dimset’a eima incheh’a isitdimset diu ahi.

¹⁴Kalah uva chan hung neijin lang, hiche thil ho chu kihom nau hite, tiaahinsei diu ahi.”