Tinata Valavalar 1:4-14

⁴Upi da tul tar ra minatoto ta ra umana tuptup, A kabinana ma ra ninunuk i minana ta ra barmana:

⁵Ra tena kabinana i valavalongor ma i vatavua kana kabinana, Ma nina i kapa ra nuknukina na vatur vake ra dovot na varvateten,

⁶Upi na tapala pirana ra tinata valavalar ma ra malalar, Ra lavur tinata kai ra umana tena kabinana ma kadia tinata na pidik.

⁷A variru tadav ra Luluai ia ra vunapai ra kabinana; Ma ra umana papaua dia nuk piapiam vue ra kabinana ma ra varvateten.

⁸Natugu, una valongore ra varvateten kai tamam, Ma koko una piam vue ra umana vartovo kai tinam;

⁹Tago dia da ra mari na vipuar ta ra ulum, Ma ra kurkurua ta ra inoam.

¹⁰Natugu, ba ra umana tena varpiam dia lam rap pa u, Koko una mulaot.

¹¹Ba dia biti, U dat, dat a vana, dat a kiki uai upi ra vardodoko, Dat a paraparau vakuku upi diat dia tuptup;

¹²Dat a konom pa diat ba dia laun boko da ra ruarua na tulungen, Ma ba dia ongor boko, da diat dia kuba ta ra tung;

¹³Dat a tikan tadav ra lavur ngatngat na tabarikik, Dat a vangan vabuka ra kuba i dat ma ra vurvur magit da ra pa ia;

¹⁴Boina ba dat a varbete, Ma dat par na kopono ko kada vuvuvung na mani.