Thuchihbu 19:2-21

²Mihem khat hetna beija hin hi apha pon, kin le donga chena lampi anoh phah thei-jin ahi.

³Mingol chu manthah nan apui mang teng, Pakai mo achansah kit- jin ahi.

⁴Mihao ding in gol le pai thah thah asem jin, mivaichapa vang chu agol apai in jong adalha laloi jie.

⁵Hettosah’a pang jou le nal seipa chun, engbolna ato tei ding ahi.

⁶Mihem ahongphal chun ahin- khohsah thei mi tampi anei ding, jou le nal’a thuseipa vang ong-doh deh deh lou ding ahi.

⁷Mivaicha hi asopi ho jeng in jong athet bol jiuvin, achuti leh agol apaiho chun ichan geijin athet tadiu vem? Vaichapan asam sam in hinlah adalha-ji tauve.

⁸Chihna kimupa chun hinkho manlut dan ahet ahin, thil hethem mi chu machal tei ding ahi.

⁹Hettohsah jou le nal seija pang pan, engbolna ato tei ding, koi hileh thujou seichan chun thina apeldoh lou ding ahi.

¹⁰Mingol khat’in nomsatah’ahinkho aman ding adih thei pon, soh khat dinga milen milal chungavaihompa hi ding jong dih thei himhim lou ahi.

¹¹Lungput dihtah kiti hin, milunghanna asosah jipon, min ahiloulam’a abolna donse lou chu ama dialoupina ahi.

¹²Lengpa lunghanna hi keipi ngihtobang ahin, alunglhaina vanghamhing lah daitwi in achap tobang ahi.

¹³Chapa ngol hi apa dingahamsetna ahin, numei ajipa tohkicham thei lou chu, gotwi julhatobang ahi.

¹⁴Nei le gou kiti hi pute patea konkilo son-ji ahin, numei chingtah jiakimu hi Pakaija kon ahi.

¹⁵Thasetna hin mi alhim i-mujin, Koi hileh athase chan chun kelathoh ding ahi.

¹⁶Thupeh nit chan kihinso tei ding, amavang thu kisei ija-sep lou chuthina ato ding ahi.

¹⁷Mivaicha kithopi chun Pakaiakithopi ahin, ajeh chu Pakaiyinatohman alethuh tei ding ahi.

¹⁸Semphat thei le kinepna aum pathin, na chapa phohsal jeng in, mohmanthah sah ding vang gel hih hel in.

¹⁹Milung chom chun gimna ato teiding ahin, dalha jeng tan, ajeh chunangma chunga jong gimna lhun loding ahi.

²⁰Min nahilna le nathumopnangaiphan lang asanji them in, ajehchu khonung teng chihna naneitheina ding ahi.

²¹Nangman tohgon ijat nei jong lechun, Pakai lungdei banga nagonding bou athupin ahi.