Thempu Dan 5:12-18

¹²Maichamthiltodingchuthempupa heng a ahin choi ding, chuteng mangthei lou dia thempupan chang bong chu akhut dimkhat aham doh ding, hiche sese chu abon cha Pakai heng lam a thilto na maicham phung a ago vam dingahi; hichu chonset thilto maichammama a kisim ahi.

¹³Thempu pan jong hitia chu thilthenglou aboh khat tou in ana bolkhah tah a ahileh; achonse pa kithoidamna asem peh ding, hichea chua chonse pa ngaidam chang dingahi. Hichea thilto amoh chengsevang chu lhosohga bolngai bang’athempupa chang ding ahi.

¹⁴Chuin Pakaiyin Mose heng a hitihin a sei tai.

¹⁵Mi koibang khat in tahsan akonthilse abol khah a, hethem lou a Pakaija dia thil theng khat tou asuhnohphah a chonset abol khah tahleh, amapa chun themmo maicham Pakai heng’a nolnabei kelngoi honlah a kelngoi chal khat chu ahinchoi ding; chuteng nangman amanjat chu muntheng laija kimang jishekel dungjui a shekel chu natepeh ding; hichu themmo thilto a ding ahi.

¹⁶Ama pa chun thil theng laha kon ipi hita jong leh asuhsettah jeh achu asem phat kit ding; athilto ama toh kitoh bep a chuajat nga bang bang’a legop khomding; hichu thempupan aga pehding ahiye, chuteng thempupanhiche chonsepa themmo maichamthilto chu amading’a kithoidamnaasempeh ding, hichea chu amapachu ngaidam chang ding ahi.

¹⁷Koi hile Pakai in bol lou dia athupeh bol kha aum khah a, chonsetabol khah tah a ahile, aman athilbolkihet doh hih ta jong le themmo nachu chang ah ahitan; athemmo na chu ama ma man akipoh ding ahi.

¹⁸hiche chonsepa chu gachea kelhon lah a kon kelchal khat thempupa heng a aga kipui ding, chuteng themmo na thilto chu ama jat ding nate peh ding; ajeh chu amapan thil ima hetoh lou a ana boltah jeh achu thempupan themmo thoidam na abol peh ding, chuteng amapa chu ngaidam chang ding ahi.