Thempu Dan 21:2-23

²Inko khat akinaipi hichu anu ham, apa ham, achanu ham chule asopipaham ahikhah loule,

³A sopinu chu nungah lailehatheng hinalai ahileh, hichenu chuajipa um nailou ahin, amadia jonginsungkhat a umnalai ahin, asopinuchung a vang hi athilong aop akisuh boh thei ahi.

⁴Pasal khat hinajal a mipa dinmunahi nunga amite lah a kisuh bohlouhelding, amaleama jengjongkisunoh phah lou ding ahi.

⁵Ama hon aluchang u akivo tol theiloudiu, abeng mul jeng ujong akivo chai lou diu, chule atahsa jeng ujong ti-maha umthei lou ding ahi.

⁶A boncha uva Pathen a dia athenghidiu, a Pathen pao min asuh thanglou hel diu, ajeh chu amaho hin a Pathen pao nehdia changlhah thiltojouse Pakai lama ahinto doh jioahin; hijih achu amaho hi atheng aum diu ahi.

⁷Numei aki johsa kiti jong akichenpithei loudiu, ajipa khat in adalhahsa numei jong chu a kichenpithei lou hel diu ahi. Ajeh chu hichethempu chu a Pathen pa dia athengahi tai.

⁸Nangman ama chu thensonana nei peh a, ajeh chu amapan na Pathen adia changlhah atodoh jiahin, amajong nangdia atheng ahin, hiche jouse chung a hin nanghothenso a pang Pakai keima hiatheng jing kahi.

⁹Chule thempupa chanu chu akijoha apan khah a ama le ama akisuhboh khah tah le, hiche nu chun apajeng jong a suhboh ahi tan, hitiachon numei kiti phot chu meiyagovam hel ding ahi.

¹⁰Chule asopi holah a thempuchungnung penpa, angaiya alu akinu thaotui kinusa, vontheng ngena kivon ding a thenso nachang khatchun asam alhaiya put da henlang, aponsil jong a akeh lai aumsah louding ahiye.

¹¹Apa hihen anu hijongleh mithilong anailut a amale ama kisubohthei louhel ding ahi.

¹²Muntheng lai chu a dalhah ahiche muntheng chu asuh boh thei louhel ding, ajeh chu amahi a Pathen akona thensona thaotui akinu chu achung a akipoh le leahitan, keima Pakai chu kahi.

¹³Chule amapan jong aji ding nuchu nungah theng ahiphat a akipuiding ahi.

¹⁴Meithai hihen aki dasa hi jongle, chule aki suboh sa numei hihenaki joh sa hi jongleh; amaho tabangchu thempu pan ji ding a aki puithei louhel ding, ama ji ding chuamite lah a kon mong mong nungahthengset akipui ding ahi.

¹⁵Hichu abol teng amite lah a chuama chate jeng jong a suhboh tahlou ding, ajeh chu amapa thenso apang chu keima Pakai ka hi ati.

¹⁶Chule Pakaiyin Mose hengahthu aseiyin, hiti hin bo lin ati.

¹⁷Aaron jah a seipeh tan, na sonna chilhah teho chu akhang akhanguva aboncha uva atahsa chungalosap na nei jouse a Pathen ding achanglhah tohdoh dia hungsung lhathei lou ding ahiuve.

¹⁸Koi hileh tahsa a losap na neichu, amitcho hihen, a elbai hihen, anah jom hihen atumpoh hijongle,

¹⁹Mi koihile akeng phang hamahiloule akhut kisuh boh ahi khahtah a ahile,

²⁰Atingbong ham adung nemamitkho mulou, tiphah nat na ham, atibol lha jeng ham atilchang kisuh keh,

²¹Aaron chapate lah a konnahitabang atibukim lou puma Pakaijadia pumgo thilto tohdoh a pangtheilouhel diu ahi; amapa tahsa chuaboh nei ahi tan hijeh achu a Pathendia changlhah tohdoh a hungsung lha tehi louhel ding ahi.

²²Ama chun a Pathen dia changlhah kitoh doh chu ane thei ding, thil theng ho chule atheng pen thil dang hojong chu aneh thei ding ahinai,

²³Ahin lah pondal phung hung lut a maicham phung jeng jong a jotpa louhel ding, ajeh chu atibah kimlou ahitan; keima muntheng penchu asuh boh louhel ding ahi. Thempu jouse suhtheng chu keima bou ka hi ati.