Te Israel Tobolu Bidi Dabe 20:44-47

⁴⁴Augwaligo te bidi umabo mu te bidi sese 18,000 te Benjamin dabego wiegi yai hwįbo bidi dabe ela muai.

⁴⁵Te Benjamin dabego gasa bidi dabe begelama, tama wi peyu, te Rimon tǫ wa pai bulu te ola beba palio. Tama te Israel dabego te bidi meba te umabo te 5,000 bidi dabe te sunumide elala pali. Tama gasa bidi dabe te augwaligo pobeasa pelama, te Gidom hanuba te augwaligo siligi paboba mu usu nigi pali. Augwaligo te umabo bidi sese meba ma elali, te 2,000 bidi ela muani.

⁴⁶Tama te sogo ela muani bidi dabe te nedali namba te umabo mu, te 25,000 Benjamin hani bidi tama. Te bidi dabe hwįbo bomai bidi dabe dao.

⁴⁷Tiali goli, te 600 bidi begasa pelama, te wi peyu, te ola be masigi elalubo madi te Rimonba wi pai. Tama augwali tede bidaludubadi, te polua me si me si bidai dao.