Sua Tutŋana 8:9-11

⁹Zin wal ta ŋgar kizin ipet kek na, tikilaala kembei sua tio ta boozomen izal men. Zin wal ta len ŋgar na, tiute: Sua tio, ina ambai men.

¹⁰Kakam ŋgar pa pat silba pepe. Kakan la sua tio pazalŋana. Pa ina ilip pa pat silba. Mi ŋgar ambaiŋana tabe aŋso yom pa i, ta kembena. Ilip pa gol ta ambaimbaiŋan kat. Tana kakam ma iwe leyom.

¹¹Pa ŋgar ambaiŋana, ina ilip pa pat milmilŋan ta kan kadon bibip i. Koroŋ boozomen ta leleyom pa i, sa irao iuulu yom kembei ŋgar ambaiŋana na som.”