Sua Tutŋana 6:7-10

⁷Zin len biibi sa be iur zin pa uraata mi ikam peeze pizin na som.

⁸Tamen mazwaana ta so kini boozo imbotmbot na, tiyyo mi tindoundou lae. Beso mazwaana ki peteele, to tirao pa kan kini.

⁹Nu tomtom maolŋom, ŋiizi na zem keeneŋana mi maŋga?

¹⁰Parei, nu sombe mbulu ki namanda ikamam uraata som, mi ketende izzu, mi tekenne lende sorok, ina ambai? Na kozo re u. Pa molo som to su ma mbot ŋoobo kat mi ru zolom. Mbulu ta kembei ko ipamorsopu kembei ta wal kuumbuŋan tikamam i. Mi ko iwe kembei tomtom ta ipasepeelu pa le koroŋ, mi iniimu ma map kat.