Sua Tutŋana 6:1-3

¹Lutuŋ, sombe waem toro sa ikam mbun, mi tiwi u be mbuk sua ta kembei: “Sombe ni itunu irao be ikot som, na nio ko aŋmender pini mi aŋkot mbun kini.” Na sua mbukŋana ta kembei, kam pepe.

²Pa ina, sua ta ipet pa itum kwom, ta ko iwe kembei kilis pu be ikeenu.

³Tana mbotmbot pepe! Ru lem zaala sa be tatke itum pa kilis tana. Pa tomtom ta waem tana ikam mbun la kini na, nu mbotmbot la namaana kek. Tana koto itum, koŋuru tomtom tana ma la, mi taŋroro i be mataana mbiriizikaala sua ku mbukŋana tana. Pazonognoogi ma irao ileŋ la kalŋom.