10Sombe tomooto sa leleene be iwoolo, mi indeeŋe moori ŋonoono ta ikamam kat mbulu, na ni ikam le koroŋ ambaiŋana kat. Zin moori ta kembei tilip pa pat milmilŋan ta kan kadon bibip i. Tamen zin boozo som. Ko tendeeŋe zin la ki parei?
11Moori ta kembei na, kusiini ko irao ipase pini kat. Mi ni ko iuulu kusiini be ikam koroŋ ndabokbokŋan boozo.
12Mazwaana ta imbotmbot su toono, na ikamam mbulu ambaiŋana men pa kusiini. Irao ikam mbulu sananŋana sa pini na som.