Sua Tutŋana 30:1-5

¹Iŋgi sua ki Agur ta Yake lutuunu na. Ŋgar taiŋgi, Anutu iswe pini. Ni iso ta kembei: “O Anutu, nio niŋ isaana kek. Ŋonoono kat, iŋgi niŋ isaana ma mburoŋ imap kat.

²Nio ti, kembei tomtom som. Pa leŋ ŋgar ri sa som kat. Wal boozomen ta timbotmbot toono na, ŋgar kizin ilip pio.

³Nio, tipaute yo pa ŋgar ambaiŋana som. Mi Anutu potomŋana na, aŋute kati som.

⁴Lak, asiŋ ta isala saamba, mi isu mini be iso ka sua? Mi asiŋ ta ikiskis miiri ila namaana keteene, mi iurur yaŋ ilala miiri tiene? Asiŋ iur toono ka seŋgaaŋa ta boozomen? Ni zaana asiŋ, mi lutuunu zaana asiŋ? Sombe nu ute, na so yo lak!

⁵Anutu sua kini ta boozomen na, totoombo ma tikilaala kek: Ina ŋonoono men. Mi zin wal ta tipase pini be iporoukaala zin na, ni iwe siŋgiao pizin.