Sua Tutŋana 29:24-26

²⁴Nu sombe gaaba tomtom toro pa mbulu ki kuumbu, na ur itum ila pataŋana. Pa kaimer, sombe tipamenderu, mi tiso pu be so kat sua ŋonoono ila Anutu mataana, nako kam so? Pa sombe swe mbulu ku tana, nako tiur kadoono pu. Mi sombe watkaala, nako Anutu itunu keteene malmal pu mi ipasaanu.

²⁵Mbulu ki tomototo zin tomtom ko iwe kilis piti. Mi tomtom ta so ipase pa Yooba, na Yooba ko mataana pini mi imboro i ma imbot ambai. Irao koroŋ sa ipasaani na som.

²⁶Wal boozomen tirru zaala be tila tire zin peeze kan. Pa tiso ko zin tiuulu zin pa pataŋana kizin. Mi tundu ŋonoono na Yooba. Pa ni ta iuluulu kat iti pa pataŋana kiti.