Sua Tutŋana 25:2-5

²Anutu, ni ikamam zaana biibi pa mbulu kini pakan ta turkeŋan na. Mi zin king na, zan iwe biibi paso, tirao be tipeeze koroŋ turkeŋan.

³Mbulu ta iwedet pa kar saamba, som sula kat toono leleene na, asiŋ irao iute? Som. Mi ina raraate pa ŋgar ta imbotmbot la king leleene na. Tomtom toro sa irao iute na som.

⁴Sombe tikam pat silba ka muk ma ila ne, to silba tana iŋgeeze, mi tirao be tiurpe ma iwe koroŋ ambaiŋana.

⁵Mi ina raraate men pizin wal sananŋan. Sombe tatatke zin pa king kereene uunu ma tila len, to king ikam mbulu ndeeŋeŋana men mi peeze kini imbol.