Sua Tutŋana 13:21-22

²¹Zin wal ta mbulu kizin irao pa Anutu mataana som na, pataŋana indeŋdeeŋe zin. Mi wal ndeeŋeŋan na, mbotŋana ambaiŋana ta iwe len kadoono.

²²Mazwaana ta so tomtom ambaiŋana imbotmbot toono na, ni ikamam le koroŋ boozo. Tana kaimer sombe imeete, na lutuunu ma tumbuunu bizin ko tikam len matamur ambaiŋana. Mi zin wal ta mbulu kizin irao pa Anutu mataana som na, koroŋ boozomen ta tindoundou na, kaimer ko iwe wal ndeeŋeŋan len.