Sua Tutŋana 13:17-19

¹⁷Sombe toŋgo tomtom sananŋana sa pa uraata, inako ikam pataŋana piti. Mi sombe ŋgoŋana kiti ila ma iso kat sua kiti, ina irao iurpe pataŋana kiti.

¹⁸Tomtom ta so ileŋsil sua tutŋana, na kaimer ko imbot ŋoobo mi ka miaŋ biibi. Mi tomtom ta so ileŋleŋ la sua pazalŋana, na kaimer zaana ko iwe biibi.

¹⁹Sombe tanamnaama koroŋ sa ma molo mana takam, inako ikam ti ma lelende ambai kat mi toso: “Aa buri!” Mi wal kankaanaŋan ta tizorzooro na, lelen be tipizil ndemen pa mbulu kizin sananŋana ri sa som.