Sua Tutŋana 10:10-12

¹⁰Zin wal ta matan iparkinmeete pizin na, kaimer ko tikam mbulu sa mi tikam pataŋana piti. Mi wal kankaanaŋan ta tizorzooro mi kwon perper sorok na, zin ko tisaana ma tila len.

¹¹Sua kizin wal ndeeŋeŋan, ina kembei yok lepeene. Pa iuluulu zin tomtom be timbot ambai. Mi zin wal sananŋan na, tizzwe malmal tabe tikam i som. Titurkewe.

¹²Mbulu ki tuurur koi, ina ikamam ma ŋoŋi imbotmbot la mazwanda. Mi sombe tuurur lelende pizin tomtom, nako matanda mbiriizikaala sanaana kizin, mi takam ŋgar pa mini som.