Sua Tutŋana 10:1-4

¹Iŋgi sua tutŋana mi sua tooroŋan pakan ki King Salumo. Naŋgaŋ sa, sombe le ŋgar ambaiŋana, nako ikam ma tamaana leleene ambai. Mi zin naŋgaŋ kankaanaŋan ta tizorzooro, nako tikam ma nan bizin lelen ipata.

²Iti irao takam lende koroŋ boozomen pa zaala sananŋana. Tamen koroŋ tana ko irao iuulu kat iti na som. Mi mbulu ndeeŋeŋana na, itatkewe iti pa meeteŋana.

³Wal ndeeŋeŋan na, Yooba irao izem zin ma tikan peteele na som. Mi koroŋ ta wal sananŋan lelen pa i na, ni ipiŋgisŋgis pizin.

⁴Sombe namanda ikamam kat uraata som, nako tombot ŋoobo. Mi sombe namanda ikamam kat uraata, nako lende koroŋ boozo.