SOLOMONA ENA ANE 1:2-10

²Oiemu uduna ena bibina ese, kisi momo lau dekenai ia henia noho. Oiemu lalokau ena namo ese, uaina ena namo ia hereaia noho.

³Oiemu kopina oi dahua muramura ena bonana be namo herea, bona oiemu ladana be, dehoro idia bubua ena regena bamona. Unai dainai headava lasi kekeni ibounai ese, oi idia ura henia noho.

⁴Mani lau be oi danu ita lao, karaharaga do ita lao! Oi be egu king, bona emu ruma lalonai lau do oi hakaua vareai. Ita be do ita moale hebou, oiemu lalokau ena namo ese, uaina ena namo ia hereaia momokani. Hahine ibounai ese oi idia ura henia noho, be mai badina.

⁵Ierusalema ena hahine e, egu kopina be koremakorema, to egu toana be namo. Egu kopina be koremakorema, Kedara dabua rumadia bamona, Solomona ena ruma koua dabua bamona.

⁶Egu kopina be koremakorema dainai, lau do oi itaia noho, itaia noho lasi, badina be dina ese lau ia gabua vadaeni. Egu taihuna ese lau dekenai idia badu, bona vain uma naria gaukara lau dekenai idia henia, unai dainai egu kopina lau naria diba lasi.

⁷Egu lalokau tauna e, lau do oi hadibaia, oiemu mamoe be edeseni oi ubua noho? Bona dina tubua neganai, edeseni oiemu mamoe dekenai, laga-ani oi henidia, idia hekure? Badina oi dekenai do lau mai gwauraia, lau ura lasi mamoe naria taudia haida edia mamoe, edia huana dekenai do lau loaloa kava.

⁸Hahine namona momokani e, bema gabu oi diba lasi neganai, mamoe edia aena gabudia murinai do oi raka. Oiemu nanigosi natudia be mamoe naria taudia, edia palai ruma edia badinai do oi ubudia.

⁹Egu lalokau e, dahaka dekenai oi be hegeregere? Oi be Farao ena kariota hosi hahine, namona ta hegeregerena.

¹⁰Oiemu huina be mai hairaina. Ia ese oiemu vairana kahana kahana dekenai, bona oiemu aiona dekenai ia helai noho, ageva namona bamona.