SOLOMON ENA ANE 1:2-7

²Udumu haherahuna amo boma harahugu, badina be emu uraheni ese vine ranuna e hereaiamu.

³Emu hedahu muramuradia bonadia na nanamo heherea; oi ladamu na dehoro e seiamu na heto. Una dainai ulato ese e ura henimumu.

⁴Murimu ai a verigu kau! Aitala haraḡa; hanua pavapavana ese ena ruma ai vada e hakaugu vareai. Baia heatolaimu, baia moalelaimu; emu uraheni baia imodaia bada, vine ranuna baia imodaia maraḡi. Mai badina idia ese e ura henimumu.

⁵Ierusalem kekenimui e, kopigu na korema-korema, to ita-itagu na namo, Kedara dabua rumadia na heheto, Solomon ena seseahu na heheto.

⁶Kopigu na korema-korema dainai basio raraigu; badina be dina ese vada e raragu. Taihugu ese e badu heniguva, vine imeadia ireḡudia ai e halaogu; a lauegu imea na asina reḡua.

⁷Egu lalokau taumu e, ba hadibagu, emu mamoe na edeseni ai o ubudiamu? Dina tubua ai edeseni ai o hahekurediamu? Bamomu edia seri badidiai baina loa eva-eva anina be dahaka? *****