1Te dongah amih tah tekah mulhing loh a tingtawk la dan a tat coeng. amih te rhamsa miping neh a phaep coeng.
2He dantatnah yueng la na pilnam ham tah sitlohnah na tueng sak tih, A caak ham khaw tanghuem na tawn pah. Te dongah a hue ngaihnah dip sak ham a hlihlim na paek.
3Te pilnam loh caak a ngaih vaengah, rhalawt rhamsa te na tueih pah dongah, a hue ngainah long khaw dalh a bawt pah. Na pilnam tah a tue toi ah a kueknah neh patang dae, a tui ngai te aka bawn sak lam ni a om.
4Haemtaekkung rhoek soah tah a kueknah te, a rhael tloel la tlek pai pawn ni.
5Na pilnam soah khohong rhamsa, rhihom satlung la a pai vaengah, amih te rhul kawl loh a tuk tih a thup vaengah, na kosi loh a bawtnah a pha aih moenih.
6Amih te kolkalh ca khaw a rhalrhingnah ham a ngai a hmang sak tih, na olkhueng ming sak ham amih na ming sak te loeihnah miknoek la a dang.
7Te te aka dan tah daem coeng dae miknoek hno rhang nen moenih, cungkuem boeih kah khangkung namah rhang nen ni.
8He rhang nen ni na thunkha khaw na hmat tih, boethae cungkuem lamloh nang aka hlawt la a om.
9Amih te kaisih neh pil loh a ngawn vaengah, A hoeinah a hmuh uh moenih.
10Tedae na ca rhoek tah rhul no dongkah sue long pataeng, a noeng moenih. Na sitlohnah tah amih taengah bomkung la pai tih, amih te a hoeih sak.
11Amih te a ngaeh vaengah na olrhuh te na ming sak tih, amih te tlek na hlawt coeng.
12Amih te thinghnah neh sitha long khaw hoeih sak pawt dae, Boeipa na ol long tah pilnam a hoeih sak.
13Hingnah neh dueknah soah saithainah nah na khueh dongah, Hlang duek he saelkhui vongka na hlak akhaw koep na lat.
14Hlang loh a halang neh hlang a ngawn dae, khum tangtae mueihla te a mael puei thai pawt tih, hinglu thongtla te a hlah thai moenih.
15Na kut lamloh loeih ham tah a coeng pawt la om
16Lailak long tah nang ming hamla a aal coeng tih, na ban dongkah thadueng loh a vuek mat.
17Tui khuiah khaw boeih ngaihmang ham om, Te long te a cungkuem khaw a thih dae ta, hmai vik te lat tak ngai pueng. Hlang dueng tah lunglai long khaw tungaep pai saeh.
18Hnin ah tah hmai khaw a thih sak, te daengah ni lailak taengla a tueih mulhing te a dom pawt eh. Tedae te aka hmuh rhoek long tah, Pathen kah laitloeknah loh amih a hloem te ming saeh.
19Hnin at ah tah tui kah a laklung te hmai lakah khaw hulhhulh tak tih boethae rhoek kah khohmuen cangpai te thup hamla.
20Hekah hno yuengla na pilnam tah vaan puencawn buh te na paek, a patang kolla amih te a caak dawk ham buh neh vaan lamloh na khut.
21Na dipdipnah neh na duelnah te na rhoek taengah na phoe dongah, buh te a ngaih tih aka lo boeih ham tah, a tui la boeih na hoilae pah.
22Vuelsong neh tuikhal long khaw hmai a noeng tih yut pawh, Te dongah a thunkha rhoek long khaw ming pai saeh. Rhael khui kah hmai hluei neh, khonal cingmai khuikah rhaek loh a thup coeng lah ko.
23Hmai long khaw hlang dueng phae ham tah, a coengnah thadueng khaw a hnilh mai coeng.
24Saihluen aw, nang aka saii kung te bongyong lah. A aka dueng mueh te toel ham ning coeng dae, nang dongah aka pangtung rhoek soah tah rhennah te hoel na hlah.
25Amah te tue vaengah ni a cungkuem la na thovael uh tih, aka ngoe boeih kah a huengaih tarhing ah, namah kah cuncahnah te muep a yo uh.
26Te dongah Boeipa aw, na lungnah na ca rhoek loh ming pai saeh, Hlang hing he canghum cangpai loh cah pawt tih, nang dongah aka pangtung rhoek te na ol long ni a tungduel.
27Hmai loh a khaw pawt te khaw, khomik dongkah khosaeng phabae loh a kaeng vaengah a yoeikoek la yut.
28Te dongah khomik a thoeng hlan ah nang n'uem ham neh, vangnah khothaih a pha vaengah nang taengah thangthui ham a ming sak.
29Aka noih hlang kah ngaiuepnah tah, cingmai bangla cing vetih, longhoi tui bangla long ni.
