Soakas 9:7-18

⁷Kom fin kai sie mwet filang, el ac folokin ke kas in akmwekin. Kom fin kai sie mwet koluk, el ac suk in akngalye kom.

⁸Nimet kai sie mwet filang; el ac srungakom. A kom fin aksuwosye sie mwet lalmwetmet, el ac akfulatye kom.

⁹Kutena ma kom ac fahk nu sin sie mwet lalmwetmet ac akyokye lalmwetmet lal, ac ma nukewa kom ac fahk nu sin sie mwet suwoswos ac laesla etauk lal.

¹⁰Sangeng sin LEUM GOD pa mutaweyen lalmwetmet. Ac eteyen El su Mutal pa etauk.

¹¹Lalmwetmet uh ac akloesye moul lom.

¹²Kom pa ac eis woiya kom fin lalmwetmet, ac kom fin srangesr eis, na kom ac keok.

¹³Lalfon el oana sie mutan wowon, su nikin ac sumwekin.

¹⁴El muta ke mutunoa in lohm sel, ku muta fin sie mwe muta fulat in siti uh,

¹⁵ac pang nu selos su fahsr alukella nu ke orekma lalos sifacna. El fahk,

¹⁶“Utyak, kowos su wangin etauk la!” Ac nu sin mwet lalfon el fahk,

¹⁷“Kof pisrapasrla uh arulana emwem. Bread pisrapasrla uh pa arulana yu.”

¹⁸Mwet inge tiana etu lah mwet nukewa ma som nu in lohm sel uh misa; ac elos su utyak tari nu yorol, inge elos oan yen loal in facl lun mwet misa.