Soakas 4:1-8

¹Tulik nutik, kowos in porongo mwe luti lun papa tomowos. Arulana lohang nu kac, na ac fah oasr etauk lowos.

²Nga luti kowos ke inkanek wo. Nimet kowos pilesru.

³Ke nga srakna tulik srisrik, wen sefanna nutin papa ac nina,

⁴papa el ac fahk, “Esamya ma nga fahk inge, ac nimet mulkunla. Oru in oana ke nga fahk uh, na kom fah moul.

⁵Eis lalmwetmet ac liyaten! Nimet mulkunla ku pilesru ma nga fahk uh.

⁶Nimet sisla lalmwetmet, na el ac loangekom. Lungse el, ac el fah liyekomyang wo.

⁷Ma se ma yohk sripa emeet nu sum pa in suk lalmwetmet. Kutena ma kom ac sifil suk saya, kom in suk etauk.

⁸Lungse lalmwetmet, ac el ac fah oru kom in fulat. Apsilya ku, ac el ac fah oru in kaksakinyuk kom.