Soakas 3:3-12

³Nimet lela kulang ac inse pwaye in wanginla liki kom. Kapriya inkwawom, ac simusla insiom.

⁴Kom fin oru ouinge, kom ac fah ohi yurin God ac mwet uh.

⁵Lulalfongi LEUM GOD ke insiom kewa. Nimet lulalfongi etu lom sifacna.

⁶Esam LEUM GOD in ma nukewa kom oru, ac El ac fah akkalemye inkanek suwohs nu sum.

⁷Nimet sifacna nunku mu kom arulana fas in lalmwetmet lom; akos LEUM GOD ac fahsr liki ma koluk.

⁸Kom fin oru ouinge, ac fah akkeye monum, ac sot ku nu sum.

⁹Akfulatye LEUM GOD ke mwe sang lom nu sel ke mwe kasrup lom, ac ke fahko se meet ke ima lom.

¹⁰Kom fin oru ouinge, nien filma lom ac fah nwanala ke wheat, ac nien wain lom ac fah kahkkakla ke wain.

¹¹Tulik nutik, nimet pilesru kas in kai lun LEUM GOD nu sum, a lohang nu kac ac eis mu mwe sensenkakin kom.

¹²LEUM GOD El kaelos su El lungse, oana ke sie papa kai tulik su el insewowo kac.