Soakas 24:18-28

¹⁸LEUM GOD El ac etu lah kom engankin, ac El ac tia lungse; fin ouinge, sahp El ac tia sang kai nu sel.

¹⁹Nimet lela mwet koluk in akfosrngaye kom; ac nimet sok selos,

²⁰mweyen wangin finsrak lun sie mwet koluk nu ke pacl fahsru. Wangin ma el akwot nu kac.

²¹Tulik nutik, kom in akfulatye LEUM GOD ac sunakin tokosra. Nimet asruoki nu sin mwet su lainulos.

²²Mwet ouinge uh ac sa na in kunausyukla. Ya kom akilen luman ongoiya ma ku in tuku sin God me ac sin tokosra me?

²³Mwet lalmwetmet uh oayapa fahk ma inge: Tia wo sie mwet nununku in wiwimwet.

²⁴El fin sang mwata nu fin mwet se ma suwohs, mwet nukewa ac srungal ac selngawel.

²⁵A kutena mwet nununku su kai mwet oasr mwata, elos fah kapkapak ac mwet uh ac kaksakunulos.

²⁶El su kawuk na pwaye lom el ac topuk kom ke kas pwaye.

²⁷Akola ima lom ac yukwiya ma kom ac moul kac, na kom fah musai lohm sum ac sou lom.

²⁸Nimet orek loh lain sie mwet fin wangin mwatal. Nimet fahk kutena ma sutuu kacl.