Soakas 22:10-27

¹⁰Sisla mwet se ma inse fulat, na ac fah wanginla akukuin, amei, ac akkolukye sie sin sie.

¹¹El su lungse inse nasnas ac kaskas kulang, tokosra el ac mwet kawuk lal.

¹²LEUM GOD El akkeye mwet orekma pwaye, a El tia akkeye kas kikiap lun mwet kutasrik.

¹³Sie mwet alsrangesr el mutana in lohm sel; el mu el fin tufoki soko lion ac sruokilya.

¹⁴Kas lun sie mutan koluk oana sie luf na loal. Elos su akkasrkusrakye LEUM GOD fah putatyang nu loac.

¹⁵Tulik srisrik uh ac nuna oru ma lalfon ke elos srik, tuh kaiyuk wo uh ac lotelos in oru ma fal.

¹⁶Kom fin sang mwe kite nu sin mwet kasrup, ku akkeokye mwet sukasrup in akyokye ma laesla lom, kom ac sifacna oru tuh kom in sukasrup.

¹⁷Porongo, ac nga fah luti nu sum kas lun mwet lalmwetmet. Lotela mwe luti lalos,

¹⁸ac kom ac fah insewowo kom fin esam ac kaliya.

¹⁹Nga lungse kom in filiya lulalfongi lom in LEUM GOD; pa oru nga akola in fahkak ma inge nu sum misenge.

²⁰Nga simusla tari kas lalmwetmet tolngoul nu sum. Oasr kas in etauk ac kas in kasru

²¹su ac fah luti nu sum kalmen ma suwohs ac pwaye. Na pacl se ac supweyukla kom in konauk, kom ac foloko use top suwohs.

²²Nimet pisre ma lun mwet sukasrup ke sripenna kom ku lukelos. Nimet orek kutasrik nu selos su wangin kasreyalos in acn in nununku.

²³LEUM GOD El ac fah aululos sramsram, ac El ac fah kalyaelos su akkeokye mwet sukasrup ingan.

²⁴Nimet asruoki nu sin mwet mongsa,

²⁵sahp kom ac lotela ouiya lalos ac kofla ekulla tok.

²⁶Nimet wulela in fosrngakin soemoul lun kutena mwet.

²⁷Kom fin kofla in akfalyela, elos ac eisla ma lom nukewa, finne mwe oan kiom.