Soakas 20:1-11

¹Sruhila ke mwe nim ku ac oru kom in wowon ac orekma lalfon. Sruhi uh orala sie mwet in lalfonla.

²Kom in sangeng ke kasrkusrak lun sie tokosra oana ke kom sangeng ke ngutngut lun soko lion. Kom fin akkasrkusrakye sie tokosra, kom sifacna eiskomyang nu ke misa.

³Mwet lalfon uh pa sripauk akukuin uh. Ac fah kaksakinyuk elos su tia wi akukuin.

⁴Sie mwet ima su alsrangesr in plao in pacl fal la, fah tia kosrani fahko.

⁵Nunak ma oan insien sie mwet, oana kof in sie luf loal; a mwet oasr etauk yoro ku in aketeya in kalem.

⁶Pus na mwet fahk pwaye ac oaru la, tusruktu su selos ku in akpwayeye?

⁷Insewowo tulik su papa tumalos oru ma pwaye ac suwohs.

⁸Sie tokosra su muta ke nien nununku, el ac ku in akilen ma koluk ke el liye.

⁹Ya oasr sie mwet ku in fahk na pwaye lah nasnas insial ac wanginla ma koluk lal?

¹⁰LEUM GOD El srunga mwe paun kikiap ac mwe srikasrak sesuwos.

¹¹Finne tulik srisrik se, ac kalem ouiyal ke ma el oru; kom ku in akilen lah el suwohs ac wo.