1Beli, Yesus em ka kel kakabise ding dim bakate, e kiin sukul so kunum mak atemse kale. Auk dak dukusu ding dim akate, e kiin sukul so keko, fitewse kunum kese kale.
2Keko beli, Yesus em gelewkabiliw kunum i elo dakalalomeliw: “Kukuyemin kunum kutaka! Kante ibolow sili sili nam kukuw keliw kasike, kunum kale kiin sukul so kunum kese ye? Akalem ete sako? Bani auk so alew so im sen ete sako?”, dangsiliw kale.
3Dangiwi, e yan weng bokoyemomele: “Akalem so, auk so alew so, alik alik biim sen ete bate. Kate, em dulum elo kanese eisneng be Sunbin-Got em auk so kitil so be kilele kaim dim daloka!
4Yu kililina! Sukum ding kuw keko, mililiw ding telei, aluwbamin be alik alik net angeko, banimoke te. Kasike, kameem taw ding kabalak akate, alik alik nu nelo namdase Sunbin-Got em nulo duyemse aluwbamin be fongate akate aluwbamuma!
5Yu kililina! Nem kale kel alakabi ding dim bakate, nakalem ete kawin dim kaleem taw ding dim em fein ailbin dong nete te.”, yangse kale.
Sion 9
Sion 9:1-5