Juan 9:1-5

¹Myintras nagalakat si Jesus, may nakita siyaʼn tawo na gin-anak na buta.

²Ginhunga siya san iya mga disipulos, “Maestro, sin-o an may sala kaya nabuhay siya na buta? Ini daw na tawo o an iya mga ginikanan?”

³Nagsabat si Jesus, “Pareho sinda waraʼn sala. Nabuhay siya na buta agod ikahayag paagi sa iya an gahom san Dios.

⁴Niyan, myintras bagaʼn adlaw pa, dapat pagparahimuon ta an mga ginasugo sa aton san Dios na nagsugo sa akon. Maabot an gab-i na wara naʼn makatrabaho.

⁵Myintras adi ako sa kinab-an ako an ilaw para sa mga tagakinab-an.”