Sion 6:62-65

⁶²Ka mihetimanin ka mihesavoi anatin munak miheles inau, Natin Meatin, nihina ris en out nesa, out koa naka ien mulamu.

⁶³Ninin onen Ahi varei mul san moulien min meatin keil. Ka meatin sakras vahotin moulien vaka en keihoen onen sasen. Selusien keil koa nasani min kami aka ven Ninin ka amul asan moulien.

⁶⁴Ka tei en kami arlingtei demkatien one enau.” Iesu viteni mukok veni, en avong koa mum rohtoh en umen onen, kilea tuai isei en keil herlingtei demkatien onen eni, ka isei varei hemaeni heha en hen vativieh keil onen.

⁶⁵Evus, Iesu vit risi vit, “Veni nakilea keke meatin houlu irlingtei demkatien enau, naviteni min kami tuai keke meatin tovuol kilea vamai venau munak Ahi romaentei.”