Text copied!
CopyCompare
Sunbin-Got em Kitakamin Weng - Sion - Sion 4

Sion 4:18-33

Help us?
Click on verse(s) to share them!
18Teing abi kel kunum mak kuluselew kate, kameem kuso be kunum be kimok bate. Fein weng nangbelew kasike.鈥, wangse kale.
19Wangei, u bokolewomelu: 鈥淲ee kamok kutaka! Kame, ne kilele kal kelika! Ku Sunbin-Got em bontem dim bakamin kunum mak kute te!
20Kasike kame nelo bokonemolewka! Nimtew angom ete Samalia kawtiw num awalik kumel i amgu tikin kalo uneko, Sunbin-Got em wiin ka kel daolew kekabiliw kate, Suda kawtiw yukati Selusalem abiw mutuk fian ete kuw em wiin fian daolew kemaliw kukuw gelewkabiliw a?鈥, dangeko, dakalasu kale.
21Dangui, Yesus e yan weng bokoumomele: 鈥淜u nem weng kale kilele kiliko, ibolow fukunemolewka! Mewso keloke ding dim kabalak e, amgu kale kel so, Selusalem abiw mutuk fian kel so, alik alik yu Aatim em wiin fian daokemin kukuw gelewinba kelokoliw te.
22Samalia kasel yu Sunbin-Got elo kilele kal kelewinba kesomi, em wiin fian be sak daolewkabiliw kawtiw kebiliw kate, Suda kawtiw nu elo kilele kal keko, em wiin fian be fein daolewkabuluw te. Nimtew angom? Suda kawtiw nu Sunbin-Got eso, kawin dim kaleem kasel alik alik iso, im mutuk kawtiw kebomi, finik so kulomin deiw be kilele kal keko, mali ilo kukuyemkabuluw kasike.
23Kate, mewso keloke ding dim be kame fiteweko, fein kelaka. Kameem ding dim bakate, Aatim em wiin fian daolew kemiw kunum waneng i elo kiol fein kukuw so, Sunbin-Finik em kitil so, daolew kemoliwka! Feinka! Kame kuw Aatim e kanekabiliw kukuw gelewkabiliw kunum waneng ilo fenkabe te.
24Nimtew angom? Sunbin-Got e kal so kun so ba kate, finik fukfuka kuw Sunbin-Got ete kasike. Nimin kunum waneng ite mak em wiin fian daolew kemiw tewe, em wiin fian be ken fein kukuw so, Sunbin-Finik em kitil so, beem dim kuw daolew kemoliwka!鈥, wangse kale.
25Wangei, u bokolewomelu: 鈥淣e kal kelite: Deiw mak ding mak Mesaya toloke te. Sunbin-Got e kunum beelo akalem wiin so amkoko, kolei, e kawtiw nulo fein dokoyemoke te. Em toloke ding dim kabalak e, e mesesem eisneng alik alik be kaim dim dako, nulo kilele bokoyemoke te.鈥, dangsu kale.
26Dangui, e yan weng bokoumomele: 鈥淜om angbelew kunum be nakalem ete te!鈥, wangse kale.
27Wangse ding bakate, akalem gelewkabiliw kunum i iti em mit mewso teleko, atemiwete: Yesus so, waneng mak uso, alew i weng bokolew bokolew kebiliwi, i yetemeko, yol angsiliw kale. Kate, gelewkabe kunum mak elo dakalaleko, bokolewomele: 鈥淜u Suda kunum kute te! Nimtew angom ete ku Samalia waneng kaluso weng bakabelew a?鈥, dangeko, dakalalinba kesiliw kale.
28Keko beli, waneng bu ukalem ok sen be ka koleweko, ukalem abiw mutuk fian kalo uneko, abiw mutuk kasel ilo bokoyemomelu:
29鈥淔ongate akate alik alik yu mak kunum mak em fukun tololiwka! Kunum be nem sua em kekabi eisneng alik alik be kilele mongom so kal keko, dolon fitew dim danemeko, bokonem kembe te. Kunum be Mesaya ete sako?鈥, yangsu kale.
30Yangui, kawtiw banban um yangsu weng be kiliko, abiw mutuk be koleweko, Yesus elo atebam unsiliw kale.
31Beli, beem ding bakate, akalem gelewkabiliw kunum i Yesus elo bokolewomeliw: 鈥淜ukuyemin kunum kutaka! Ku wanin kale wana!鈥, dangsiliw kate,
32Yesus e yan weng bokoyemomele: 鈥淏abo! Nem wanin wanenembi wanin be yu kal kelinba keko, akokow kebiliw te!鈥, yangse kale.
33Yangei, i bokolew bokolew kesomeliw: 鈥淜ante wanin de teleko, elo dulew kembe ya?鈥, ange ange kesiliw kasike,

Read Sion 4Sion 4
Compare Sion 4:18-33Sion 4:18-33