Text copied!
CopyCompare
Paama Bible - Sion - Sion 3

Sion 3:1-9

Help us?
Click on verse(s) to share them!
1En out Serusalem, Farasi tai mul ien koa vi tai en Kaonsel onen Siu keil, isen Nikodimas.
2En vongien tai, kei va sao en Iesu ka viteni mini vit, “Tiser, komai mekilea keke kovi tiser tai koa Ahi sani emai. Veni vahit Ahi vartotei vatal minuk, kosakras kovoumon merikel keil ekek.”
3Ka Iesu vit kesi vit, “Anatin eli naviteni minuk, munak meatin tai romaitei vahi heite hau, kei sakras valei kilea hiasuvien onen Ahi.”
4Navong Nikodimas longe mukok, mutimanin vit, “?Meatin tai koa marite tuai hemai hehi heite hau hemukave? !Veni meatin sakras vaha ris en vangen mama onen keke avahasi ris hatte valu keke vamai vahi heite hau!”
5Sakini, Iesu vit kesi vit, “Anatin eli naviteni minuk, meatin koa hermaitei hehi heite hau hetal min oai ka Ninin Votut, kei sakras vaha en out koa hiasuvien onen Ahi mul ien.
6Navong meatin tai avasi vi heite hau musil sise onen meatin keil, kei kur aven meatin ka suvalien onen. Ka navong meatin tai mai vi heite hau musil sise onen Ninin Votut, kei kur ninin ka suvalien onen.
7Konasiltei veni naviteni keke kami vasi mihemai mihehi heite hau.
8Umen onen Ninin Votut suval umen ten eang koa mul muhuh musil rendemien onen. Meatin tai mul long kilea eni ka reingeingeni ka kave vuo heha kave. En vati sakien enek, asakras avales Ninin Votut. Ka alei kilea umen onen en moulien onen koakeil umai avi heite hau musil sise onen Ninin Votut.”
9Ka Nikodimas visi vit, “?Ka koanik kilea vakur out vamukave?”

Read Sion 3Sion 3
Compare Sion 3:1-9Sion 3:1-9