ג'ון 3:1-9

¹ויהי איש אחד בתוך הפרושים ושמו נקדימון שר ליהודים׃

²ויבא אל ישוע לילה ויאמר אליו רבי ידענו כי אתה מורה מאת אלהים באת כי לא יוכל איש לעשות האתות אשר אתה עשה בלתי אם האלהים עמו׃

³ויען ישוע ויאמר אליו אמן אמן אני אמר לך אם לא יולד איש מלמעלה לא יוכל לראות מלכות האלהים׃

⁴ויאמר אליו נקדימון איך יולד אדם והוא זקן הכי שוב ישוב אל בטן אמו ויולד׃

⁵ויען ישוע אמן אמן אני אמר לך אם לא יולד איש מן המים והרוח לא יוכל לבוא אל מלכות האלהים׃

⁶הנולד מן הבשר בשר הוא והנולד מן הרוח רוח הוא׃

⁷אל תתמה על אמרי לך כי עליכם להולד מלמעלה׃

⁸הרוח באשר יחפץ שם הוא נשב ואתה תשמע את קולו אך לא תדע מאין בא ואנה הוא הולך כן כל הנולד מן הרוח׃

⁹ויען נקדימון ויאמר אליו איכה תהיה כזאת׃