Senesis 9

1

2

3

4

6

7

8

9

11

12

13

15

16

17

21

22

25

26

27

28

35

37

39

40

41

42

45

46

47

48

49

50

¹Evus, Ahi san tokolkatien min Noah ka ehon onen keil vit, “Titami keil ihi houlu vis ihi houlu mok hesakin out vasi netan hehilelau en keil.

²Tounah vasi keil koa amoul en out netan imetaun kami: tirendan keil, aman keil ka mesau keil emun. Keil vasi, naling moulien one en hemi.

³Mulamu, nasan heiai ka aneite ten anien enges min meatin keil akani. Ka kosa, nisan vuseri emun min kami taanien.

⁴Ka minaantei vuseri koa ara mul veah eni veni ara vi vatte ten moulien onen.

⁵“Ka en usite ten ran meatin, munak meatin tai houas meatin sav hemat, inau, nisan mahien mini. Ka tirendan keil emun koa uas meatin tai hemat, nisan mahien emun mini.

⁶Meatin keil, namumon keil asuval nau. Sakini, munak meatin tai houas meatin sav hemat, kei mun, uasi hemat varei.

⁷“Ka kami, ek vati keke titami keil ihi houlu, hesakin keil ihilelau en out vasi netan.”

⁸Evus, Ahi viteni mun min Noah ka min titan keitel vit,

⁹“Ekek, inau namumon hatkatien takeih ral min kami ka ral min onami keil koa ikatau en kami.

¹⁰Namumoni mun ral min tounah vasi keil koa amoul: tirendan ka aman keil, ka tounah vasi keil koa amemea ral minuk ran mari sip enek.

¹¹Navat kati keke nirmu lintei mun tounah vasi koa amoul hetal oai. Anatin, oai hermu lintei mun out netan.

¹²Hatkatien enek, namumoni ral min kami ka tounah sav keil koa amoul en out netan, ka nitie lati hetal min metai tai.

¹³?Milesi? Naling mitiet koanik mul en mahmah ten teilang. Ka navong vasi koa meatin keil ilesi, indem kati keke hatkatien onak vi anatin.

¹⁴Sakini, navong nakav koe out netan en mahmah ten ous, mitiet emun hekistal.

¹⁵Ka navong nilesi, nindem kat hatkatien takeih onak koa namumoni ral minuk ka ral min tirendan vasi keil keke nirmu lintei mun keil en mari oai tai.”