Senesis 12

1

2

3

4

6

7

8

9

11

12

13

15

16

17

21

22

25

26

27

28

35

37

39

40

41

42

45

46

47

48

49

50

¹En avong tai, Iahova viteni min Ebram vit, “Kimea ran out onom, onom keil, ka teim sen tata onom. Kiha en out tai koa inau, nitie minuk.

²Mukonek, nisakin vatiamal onom hehi houlu mok, hemai hehi mari vangi meatin tai en out netan. Nitokol katuk ka numon isom heka vasi out ka meatin keil ilonglong eni. Ka heka enuk, tokolkatien onak heha min meatin keil ten out netan.

³Koakeil asan selusien ten tokolkatien minuk, inau nisan tokolkatien min keil. Ka koakeil asesenda enuk, numoni hetisa en keil. Ka keik kihi sise ten tokolkatien onak heha min vatiamal vasi keil ten out netan.”

⁴Sakini, navong Ebram long kat ren Iahova ka mea ran out Haran, sua onen rokol hanumau etel ka teindan elim (75).

⁵Ebram kur ahin onen, isen ‘Serae.’ Ka titan tunali mun musili, isen ‘Lot.’ Tounah vasi keil oneatel ral min slev keil one ka buluk ka sipsip keil emun eseatel koa tellei kati en out Haran avi houlu ramat. Ka tounah vasi, telsak meseini keke avakuri. Navong asak mesein tounah keil evus, amual avaha en out Kenan. Avong telrokol out Kenan,

⁶Ebram ka meatin keil onen aka pas kantri enek va vio … umai en out koa avise en ‘Sekem.’ Ka en out enek, en out koa avise en ‘Morah,’ amumon votevav keil one vesesal en mari vatiai tai koa matu vis matu, out koa meatin sav keil uva netan min ahi keil one ien. (En avong koanek, koakeil ten out Kenan avi horetan veah en out enek.)

⁷Evus, Iahova mai kistal ven Ebram ka viteni mini vit, “Atan ten out enek, nisani min koakeil ika en vatiamal onom.” Evus, Ebram kur mari ahat keil ka mumon ahor ten sanien keke vanit sanien votut vahina min Iahova koa mai kistal veni.