Senesis 46

1

2

3

4

6

7

8

9

11

12

13

15

16

17

21

22

25

26

27

28

35

37

39

40

41

42

45

46

47

48

49

50

¹Sakini Siekob lah vasi tounah keil onen ka va mau en out Bersiba. En out enek, kei mumon sanien votut min Ahi koa Aesak, tata onen, va netan mini.

²En vongien, Ahi selus mini en matil vovoien tai vit, “!Siekob! !Siekob!” Siekob vit, “?O-o, inau li ke?”

³“Inau Ahi, navi Ahi onen tata onom. Konametautei kovaha en out Isip. Numon vatiamal onom hemai hehi mari kantri tai.

⁴Inau niha hetal minuk ka nikur koek en sise vaha en out Isip. Ka hekatau, nilah ris vatiamal onom hemai ris ekok. Ka Siosep emok heoteh koe metom navong kimat.”

⁵Navong Siekob mea ran out Bersiba, natnali keil aling kei ka titae keil ka ahin one keil en kat ten hos koa Asuv Houlu ten out Isip maeni ven keil.

⁶Keil alah buluk ka sipsip ese keil ka tounah keil koa alahi avong aro en out Kenan. Siekob va en out Isip ral min vatiamal onen.

⁷Anatin, va ral min natnali keil, natnahin keil, ka havinali ka havinahin keil emun.

²⁸Siekob sila Sudah va mulamu vahis Siosep keke vahisu mini en out Kosen. Navong arokol out enek,

²⁹Siosep vut en kat ten hos ka muloh va en out Kosen vahisu min tata onen. Navong luvisu, lukav kat keilu ka Siosep murang taveah emok.

³⁰Siekob viteni min Siosep vit, “Munak nimat kosa, nimat hetal min tomat veni nalesuk en metok keke komoul.”