San Lukas 8:19-22

¹⁹Jisuspa masanguna mamambismi ch'ayamurqan chay kashqanman. Piru ancha unda runa kaptinmi, mana atirqanllapachu ch'ayayta Jisuspa ladunmanqa.

²⁰Chaymi Jisustaqa suq runa abisarqan: —Siñursitu, mamayki masaykikunam kay sawapi. Anchash munanllapa qamwan parlayta, nishpa.

²¹Chaymi Jisusqa nirqan: —Taytay Dyus nishqanda uyaqkuna kasuqkunam noqapa mamay, masaykunaqa, nishpa.

²²Suq diyam Jisusqa yach'akuqningunawan yakupi puriq barkuman yaykushpa, paykunata nirqan: —Aku kay atun qoch'apa waq chimbanman, nishpa. Chayshina niptinqam, rirqanllapana.