38Chiy ruunbɨ zuguaab llanii Jesús ax guzulo caguazbɨ de nii Jesús cun nis ni ruunbɨ. Chiy ax gusbizbɨ de niiny cun guichquiab ax bcharuubdeny chiyru bchab perfumqui de niiny.
39Chi guná fariseuqui ziy, ax baanbɨ xgab: “Belati guldípac bnietquɨ náb tuby profet, zacbeeb túng caguaald laab ne zacbeezacbɨ xa nabány gunaac, te laab náb tuby bɨnduld.”
40Chiy Jesús raipny fariseuqui: —Simóny, ná par iniia liú tuby cos. Fariseuqui cuaibbɨ: —Guniibiungui, Maistrɨ.
41Jesús raipny laab: —Tuby bniety nguiu bdedlaab mɨly tiop bniety. Tubybɨ bdedlaab gaay gayuaa denari. Stubybɨ bdedlaab cincuentni.
San Lucas 7
San Lucas 7:38-41