38Ana mai naneneaꞌ leo Yesus neu, nesiꞌ dea Na. Boe ma sundaꞌ undulaka na nai Yesus eidae na. Tutiꞌ a ana dola losaꞌ luu na titi laꞌe Yesus ei na. Ana seka Yesus ei na neniꞌ lakadoo na, ma deꞌi nasarerei Yesus ei na. Boe ma ana poꞌa mina maboo-meniꞌ ria neuꞌ Yesus ei Na.
39Simon bubuluꞌ inaꞌ ria leleo-lalaꞌon, de nita leoꞌ na, boe ma dodoo nai dale na nae, “Kalu tebe-tebe Yesus nana Manetualain mana nesi matan, sona Ana bubuluꞌ nae, inaꞌ fo riꞌ tatai laꞌe Ni ia, ina mana sosoa. Ia dadi buti so, Manetualain mana nesi matan ta ia fa! Huu fo lahenda malalao-malalafuꞌ ta bole nabua no lahenda masala-masikoꞌ ara!”
40Tehuu Yesus lees nala hata fo Simon afi nan, boe ma Ana nae, “Aꞌa Simon! Leo iaꞌ. Au nau afada aꞌa ka hihii-nanauꞌ esa.” Boe ma Simon nataa nae, “Neuꞌ! Papa Mesen, mafada leo.”
41Tutiꞌ a Yesus tuꞌu dedeaꞌ fee ni nae, “Hapu lahenda esa, biasa fee lahenda fekeꞌ a tonda doi nara. Ana parna fee lahenda dua tonda doi nara. Esa tonda na doifulaꞌ natun lima, ma esa sona noi lima huluꞌ a.
Lukas 7
Lukas 7:38-41